मनोरंजन ब्युरो - ओटीटी प्लॅटफॉर्म म्हणून जगप्रसिद्ध असलेल्या 'नेटफ्लिक्स'वर आता फ्री मध्ये ओरिजिनल सिरीज आणि चित्रपट पाहता येणार आहेत. सध्या नेटफ्लिक्स आपल्या युजर्सला अनेक ओरिजिनल सिरीज आणि चित्रपट फ्री मध्ये प्रदान करत आहे. कंपनीने या प्लॅटफॉर्मवर नवीन मेंबर्स जोडण्यासाठी ही ऑफर आणली आहे.
कंपनीच्या या ऑफरनुसार युजर्स चित्रपट सर्व भाषांमध्ये पाहू शकतील. कोणत्याही ओरिजिनल सिरीजचा पहिला सीझनचा पहिला एपिसोड तुम्हाला पाहता येईल. यासाठी नेटफ्लिक्सचे अकाउंट असणे आवश्यक नाही. सध्या नेटफ्लिक्सची सबस्क्रिप्शन प्लॅन 199 ते 799 रुपयांच्या दरम्यान आहेत.
कंपनीची ही सेवा जागतिक स्तरावर उपलब्ध आहे. याचा लाभ घेण्यासाठी तुम्हाला netflix.com/watch-free लिंकवर जावे लागेल. ही ऑफर सध्या ब्राउजर आणि कॉम्प्युटरसह विंडोज पीसी, मॅक, अँड्रॉइड डिव्हायसेस, स्मार्ट टीव्ही आणि फायर स्टिकवर उपलब्ध आहे.
हे चित्रपट पहा मोफत - नेटफ्लिक्सवरील मोफत चित्रपटांमध्ये स्ट्रेंजर थिंग्स (Stranger Things), मर्डर मिस्ट्री (Murder Mystery), एलिट (Élite), बॉस बेबीः बॅक इन बिजनेस (Boss Baby: Back in Business), बर्ड बॉक्स (Bird Box), व्हेन दे सी अस (When They See Us), लव्ह इज ब्लाइंड (Love Is Blind), द टू पोप्स (The Two Popes), आवर प्लॅनेट (Our Planet) आणि ग्रीक अॅण्ड फ्रेन्की (Grace and Frankie) इत्यादींचा समावेश आहे.
नेटफ्लिक्सवर गेल्या वर्षी सप्टेंबरमध्ये देखील कंपनीने आपल्या काही ओरिजिनल्सच्या पहिल्या भागाचे विनामूल्य अॅक्सेस भारतात उपलब्ध केले होते. केवळ नेटफ्लिक्सच नाही तर यूट्यूब आणि हॉटस्टार देखील काही सिनेमे तसेच वेब सिरीज मोफत पाहण्याचीसेवा देत आहे.
