मुंबई (MBP LIVE 24) :
कोरोना संकटकाळात रोजी-रोटीच्या प्रश्नाने चिंताग्रस्त नागरिक स्वबळाचा नारा दिल्यास जोडे हाणतील, अशा परखड शब्दांत शिवसेना पक्षप्रमुख व मुख्यमंत्री उद्धव ठाकरे यांनी काँग्रेस व भाजपला खडे बोल सुनावले. शिवसेनेच्या ५५ व्या वर्धापनदिनानिमित्त शनिवारी त्यांनी शिवसैनिकांशी संवाद साधला.
ठाकरे म्हणाले, 'सत्तेसाठी लाचार होऊन शिवसेना कोणाची पालखी वाहणार नाही. शिवसेनेचा जन्म लोकांच्या न्याय हक्कांसाठी झाला आहे. विकृत राजकारण करीत राहिलो तर आपले आणि देशाचे काही खरे नाही.
कोरोना संकट काळातही राजकारण करणे हे विकृतीकरण आहे, अशा कानपिचक्या त्यांनी भाजपला दिल्या.
आमचे स्वबळ लोकांच्या हक्कांसाठी : शिवसेनाप्रमुखांनीच आम्हाला स्वबळ, आत्मबळ दिले आहे. आम्हीही स्वबळावर लढू पण आमचा स्वबळाचा अर्थ केवळ निवडणूक अन् सत्ताप्राप्ती हा नाही. तर लोकांच्या न्याय्य हक्कांसाठी तलवार उचलण्याची ताकद हे आमचे स्वबळ आहे.- उद्धव ठाकरे, मुख्यमंत्री
