रवींद्र जडेजाने सर्वाधिक नाबाद २६ धावा केल्या. किवी संघाच्या ट्रेंट बोल्टने ३ विकेट्स घेतल्या. उत्तरादाखल विजयासाठी असलेले १११ धावांचे लक्ष्य न्यूझीलंडने फक्त १४.३ षटकांच्या खेळात गाठले. त्या बदल्यात त्यांनी अवघे २ गडी गमावले होते. गोलंदाजी करण्यातही भारतीय संघ कमकुवत ठरला.
टी-ट्वेंटी विश्वचषक स्पर्धेत भारतीय संघाचा सलग दुसरा पराभव झाला आहे. यापूर्वी पाकिस्तानच्या संघाने भारताला हरवले होते. आता दुसऱ्या पराभवामुळे भारतीय संघाचे स्पर्धेतील स्थानही धोक्यात आले आहे. कारण आता उपांत्य फेरी गाठणे देखील भारतीय संघाला मोठे कठीण झाले आहे.
