मनोरंजन - एकता आर कपूर आणि शोभा कपूर यांनी कंपनीच्या प्रमुख म्हणून त्यांच्या पदांचा राजीनामा दिला आहे. देशातील आघाडीच्या डिजिटल एंटरटेनमेंट प्लॅटफॉर्मपैकी एक असलेल्या Alt बालाजीने शुक्रवारी अधिकृतपणे ही घोषणा केली आहे.
Alt बालाजीला आज यशस्वी करण्यात या जोडीचा मोठा वाटा आहे. कंपनीच्या म्हणण्यानुसार, दोघींचीही पद सोडण्याची प्रक्रिया गेल्या वर्षीच सुरू झाली होती. ALTBalaji हाताळण्यासाठी आता एक नवीन टीम आहे. इतर उपक्रमांवर लक्ष केंद्रित करण्यासाठी हा निर्णय घेतला आहे.
ALTBalaji ने सांगितले आहे की, कंपनीचे नवीन मुख्य व्यवसाय अधिकारी म्हणून विवेक कोका यांची नियुक्ती करण्यात आल्याची घोषणा करताना आनंद होत आहे. यापूर्वी अनेक मोठ्या कंपन्यांमध्ये वरिष्ठ पदांवर कार्यरत असलेले कोका त्याच्यासोबत डिजिटल मनोरंजन उद्योगात खुप अनुभव आहे.
कोका यांच्या नेतृत्वाखाली त्यांच्या पावलावर पाऊल ठेवण्याचे आणि दर्शकांना उच्च दर्जाची, मूळ सामग्री प्रदान करण्याचा मजबूत ट्रॅक रेकॉर्ड सुरू ठेवण्याचे ALTBalaji चे उद्दिष्ट आहे, असे स्पष्ट करण्यात आले आहे.
दरम्यान, एकता आर कपूर आणि शोभा कपूर यांनी ALTBalaji च्या व्यवस्थापनातून राजीनामा दिला असला तरी, होल्डिंग कंपनी बालाजी टेलिफिल्म्स अजूनही प्लॅटफॉर्ममध्ये शेअर्स ठेवणार आहेत.
