अहिल्यानगरचं वॉर्डनिहाय वास्तव : ग्राऊंड रिपोर्ट (प्रभाग ७ बालिकाश्रम रोड)

येथे क्लिक करुन आम्हाला फॉलो करा 

टीम MBP Live24 - सावेडी गावठाणाला मुख्य शहराशी जोडणारा आणि नगर–मनमाड (Nagar Manmad) महामार्गाला पर्यायी असलेला महत्त्वाचा बालिकाश्रम रोड (Balikashram Road) सध्या अतिक्रमणांच्या समस्येमुळे अडचणीत आला आहे. पदपथ (Foootpath) व्यापाऱ्यांच्या मनमानी दुकानांनी (Stores) व्यापले असून पादचाऱ्यांचा मार्ग अक्षरशः बंद झाला आहे.

प्रभागातील सर्वात मोठे महालक्ष्मी उद्यान (Mahalaxmi Garden) देखभालीअभावी जीर्ण झाले आहे, तर पम्पिंग स्टेशन (Pumping Station) ते कराळे हेल्थक्लब (Karale Health Club) पर्यंतचा डीपी रोड (DP Road) खड्डेमय बनला आहे. नवीन प्रभाग रचनेत पूर्वीचा प्रभाग क्रमांक ६ हा ७ झाला असून महावीरनगर (Mahavir Nagar), बोरुडेमळा (Borude Mala), जाधव मळा (Jadhav Mala) या नवीन वसाहती जोडल्या गेल्या आहेत.

अशी आहे या प्रभागाची व्याप्ती : कराळे हेल्थ क्लब, मेघनंद रिसोर्ट, होमिओपॅथी मेडिकल कॉलेज (Homeopathy Medical College), ऑक्झिलियम हायस्कूल (Oxylium Highschool), सिद्धिविनायक कॉलनी (Siddhivinayak Colony), भिंगारदिवे मळा (Bhingardive Mala), जिल्हा कृषी अधिकारी कार्यालय (Agricultural Office), बोरुडे मळा, जाधव मळा. सावेडी बस स्टॉप (Sawedi Bus Stop), अश्मीरा नर्सरी, श्रीनाथ सोसायटी (Shreenath Society), सावेडी गावठाण (Sawedi), गणपती मंदिर, महालक्ष्मी उद्यान.

या प्रभागाचा सुमारे ८० टक्के भाग नगर–मनमाड रोड व सिना नदीदरम्यान असून व्यवसायविस्तार व उच्चभ्रू सोसायटींमुळे या भागाचे महत्त्व वाढले आहे. तत्कालीन नगरसेवकांच्या प्रयत्नातून रस्ते, पाणी, ड्रेनेज, पथदिवे व सुशोभीकरणाची कामे काही प्रमाणात मार्गी लागली आहे.

तरी शाहूनगरासह अनेक भागांत कचरा व्यवस्थापन, रस्त्यांची दुरवस्था आणि बंद पथदिव्यांचा प्रश्न कायम आहे. राजकीय कुरघोडीत आमचा विकास खुंटल्याची खंत नागरिकांनी व्यक्त केली आहे. MBP Live24 ने केलेल्या ग्राऊंड रिपोर्टमध्ये नागरिकांन समस्यांचा पाढाच वाचून दाखवला आहे.

या कामांची पूर्तता :

• बहुतांशी ठिकाणी सिमेंटचे रस्ते.
• रस्त्यांवर पथदिवे, वाचनालये.
• मंदिर प्रांगणाचे सुशोभीकरण.
• छोटी उद्याने विकसित.
• ओपन स्पेसचे सुशोभीकरण.
• ज्येष्ठ नागरिकांसाठी भवन.

या कामांची प्रतीक्षा :

• नियमित कचरा संकलन.
• नियमित साफसफाई.
• बालिकाश्रम रस्त्यावरील अतिक्रमण हटविणे.
• काही भागातील अंतर्गत रस्ते.
• महालक्ष्मी उद्यानाची सुसज्जता.
• पम्पिंग स्टेशन रस्ता उखडला.

प्रभागातील इतर समस्यांचा पाढा :

पम्पिंग स्टेशन रस्त्याची दुरवस्था :

• बोरुडेमळा, धर्माधिकारी मळा ते सावेडी गावठाणातील नागरिक दररोज या रस्त्यावर फेरफटका मारतात; मात्र रस्ता पूर्णपणे खराब झाला आहे.

शाहूनगरमधील रस्त्यांची बिकट अवस्था :

• सावेडी नाका–सीना नदी मार्गावरील शाहूनगरचा मुख्य रस्ता अनेक वर्षांपासून खराब; इतर रस्ते सिमेंटचे झाले तरी हा रस्ता दुर्लक्षित.

पम्पिंग स्टेशन रोडची अवस्था :

• प्रभाग ७ मधील हा रस्ता खड्डेमय व दुर्लक्षित.

महालक्ष्मी उद्यानाची दुरवस्था :

• बालिकाश्रम रोडवरील उद्यानातील कारंजे व मुलांची खेळणी खराब; उद्यानाची देखभाल ठप्प.
• बालिकाश्रम रोडवरील अतिक्रमण :
• व्यावसायिकांनी पदपथांवर दुकानांचे अतिक्रमण केल्याने पादचारी मार्ग पूर्णपणे अडला.

नियमित सफाईचा अभाव :

• मुख्य रस्त्यावर सफाई होते; मात्र अंतर्गत भागात कर्मचारी येत नाहीत. काही नागरिक रस्त्याच्या कडेला कचरा टाकतात. कारवाईची मागणी.

या प्रभागातील नागरिक म्हणतात :

• शाहूनगरमध्ये रस्त्यांची दुरवस्था
• पथदिवे बंद, ड्रेनेज लाइन निकृष्ट.
• काहीजण रस्त्यावर कचरा टाकतात.
• महापालिकेने तातडीने उपाययोजना करावी.
• बालिकाश्रम रोडवर मोठी वर्दळ
• अतिक्रमणामुळे पायी चालणे अवघड.
• हॉस्पिटल, कॉलेज, क्लासेस असल्याने समस्या
• वाहतूक कोंडी व अपघातांचा धोका.
• १२ वर्षांपूर्वी तयार केलेल्या पदपथांवर व्यावसायिकांचे अतिक्रमण
• पादचारी वाहनांतून वाट काढतात.
• शहरात इतर ठिकाणी अतिक्रमण हटवतात, पण या रस्त्याकडे दुर्लक्ष.