येथे क्लिक करुन आम्हाला फॉलो करा
अहिल्यानगर : सावेडी येथील गुलमोहोर रोड पोलीस चौकी परिसरात वंचित बहुजन आघाडी प्रणित 'भारतरत्न डॉ. बाबासाहेब आंबेडकर विचार युवा मंच'च्या वतीने महामानव डॉ. बाबासाहेब आंबेडकर यांची जयंती (Dr Babasaheb Ambedkar Jayanti) मोठ्या उत्साहात साजरी करण्यात आली. या प्रसंगी विशेष सरकारी वकील ॲड. सुरेश लगड (Adv Suresh Lagad) आणि आरटीओ अधिकारी शंकर कराळे (RTO Officer) यांची प्रमुख उपस्थिती होती.
कार्यक्रमात बोलताना ॲड. सुरेश लगड यांनी संविधानाचे महत्त्व अधोरेखित केले. ते म्हणाले, "संविधान हे केवळ कागदावरील नियम नसून, ते कोट्यवधी शोषितांच्या अस्तित्वाचे आणि न्यायाचे अभेद्य सुरक्षा कवच आहे. आजच्या काळात कायद्याचे ज्ञान हेच सर्वात मोठे शस्त्र (Knowledge is Weapon) असून, युवकांनी संविधानाच्या आधाराने स्वतःला सक्षम करणे आवश्यक आहे.
बाबासाहेबांनी आपल्याला याचिका नव्हे तर अधिकार (Rights) दिले आहेत, ही जाणीव प्रत्येकाने ठेवली पाहिजे." त्यांनी पुढे आवाहन केले की, युवकांनी अभ्यासू, सजग आणि जबाबदार नागरिक (Responsible Citizen) बनून समाजातील अन्यायाविरुद्ध लढा द्यावा.
व्यवस्था परिवर्तनासाठी 'सिस्टम मेकर' बना : आर.टी.ओ. अधिकारी शंकर कराळे यांनीही उपस्थितांना मार्गदर्शन केले. "बाबासाहेबांचे विचार आचरणात आणणे हीच खरी प्रगती आहे. 'शिक्षण (Education) हे वाघिणीचे दूध आहे' ही क्रांतीची हाक लक्षात घेऊन युवकांनी व्यवस्थेचे गुलाम न बनता 'सिस्टम मेकर' (System Maker) बनण्याचा प्रयत्न करावा," असे त्यांनी स्पष्ट केले.
वंचित बहुजन आघाडीचे दक्षिण जिल्हाध्यक्ष योगेश साठे (Yogesh Sathe) यांनी प्रस्थापित व्यवस्थेवर कडाडून प्रहार केला. "ज्या मनुस्मृतीने शूद्रांना शिक्षण नाकारले, त्याच व्यवस्थेला छेद देत महात्मा फुले यांनी क्रांतीची बीजे पेरली आणि डॉ. बाबासाहेब आंबेडकर यांनी समतेचे संविधान देशाला दिले. त्यामुळे समतेचा विचार हाच आमच्यासाठी खरा सण आहे," असे त्यांनी सांगितले.
मान्यवरांची उपस्थिती : या कार्यक्रमासाठी बौद्धाचार्य दीपक पाटोळे, अशोक औटी, सुधीर ठोंबे, अमर निर्भवने, ॲड. आनंद सूर्यवंशी, ॲड. लक्ष्मीकांत पठारे, सचिन ठोंबे, सावन मकासरे, अशोक देवडे यांची उपस्थिती होती.
कार्यक्रमाचे यशस्वी नियोजन विचार युवा मंचचे अध्यक्ष देविदास भालेराव, उपाध्यक्ष प्रतीक जाधव, किरण चव्हाण, शुभम जगदाळे, संतोष पवार, उमेश जाधव यांच्यासह अनेक कार्यकर्त्यांनी केले. कार्यक्रमाच्या शेवटी देविदास भालेराव व प्रतीक जाधव यांनी उपस्थितांचे व पोलीस प्रशासनाचे आभार मानले.
