अहिल्यानगर - आष्टी तालुका युवा पत्रकार संघ, आष्टी आयोजित राज्यस्तरीय 'महाराष्ट्र आयकॉन पुरस्कार २०२६' (State Level Maharashtra Icon Award 2026) या प्रतिष्ठित पुरस्काराने नेवासा तालुक्यातील सोनई येथील प्रख्यात निवेदिका (Anchor) व व्याख्यात्या (Orator) राणी माधव दरंदले यांना सन्मानित करण्यात आले.
निवेदन आणि प्रबोधन क्षेत्रात त्यांनी केलेल्या उल्लेखनीय कामगिरीबद्दल आणि सामाजिक, सांस्कृतिक तसेच ऐतिहासिक विषयांवर राज्यभरात जनजागृती केल्याबद्दल त्यांना हा गौरव प्रदान करण्यात आला. हा पुरस्कार वितरण सोहळा विविध राजकीय, सामाजिक व धार्मिक क्षेत्रांतील मान्यवरांच्या प्रमुख उपस्थितीत मोठ्या उत्साहात पार पडला.
यावेळी आष्टी-पाटोदा-शिरूर मतदारसंघाचे आमदार (MLA) माननीय सुरेश धस, अहिल्यानगरचे आमदार माननीय संग्राम जगताप, राहुरी मतदारसंघाचे आमदार माननीय अक्षय कर्डिले, अहिल्यानगर महानगरपालिकेच्या महापौर (Mayor) ज्योती गाडे, उपस्थित होते.
तसेच प्रसिद्ध सामाजिक कार्यकर्त्या सुधा कांकरिया, ह.भ.प. महंत काशिनाथ महाराज आणि शिवसेना महिला आघाडी अहिल्यानगर जिल्हा प्रमुख ॲड. स्वाती जाधव यांच्या हस्ते राणी दरंदले यांना पुरस्कार देऊन गौरविण्यात आले.
या कार्यक्रमास आष्टी तालुका युवा पत्रकार संघाचे अध्यक्ष अविनाश कदम, सचिव गहिनीनाथ पाचबैल, ज्येष्ठ पत्रकार राजेंद्र लाड, संघटक प्रेम पवळ, अतुल जाधव, जवणे, निसार शेख यांच्यासह अनेक पदाधिकारी व कार्यकर्ते मोठ्या संख्येने उपस्थित होते.
कार्यक्रमाचे नेटके सूत्रसंचालन (Anchoring) गहिनीनाथ पाचबैल यांनी केले, तर समीर शेख यांनी उपस्थितांचे आभार (Vote of Thanks) मानले. राणी दरंदले यांना मिळालेल्या या यशाबद्दल नेवासा व सोनई परिसरातून त्यांच्यावर कौतुकाचा वर्षाव होत आहे.
