नवी दिल्ली - मे आणि जून महिन्यात सहा वेळा पूर्व लडाखमध्ये चीनचा सामना करणाऱ्या आयटीबीपीच्या २१ अधिकारी आणि जवानांना गॅलेंट्री मेडल जाहीर झाले आहे. आयटीबीपीचे डीजी सुरजीत सिंह देसवाल यांनी याबाबत घोषणा केली आहे. हिमालयाच्या ऊंच शिखरांवर आयटीबीपीचे जवान ड्यूटी करतात, २४ ऑक्टोबर १९६२ रोजी याची स्थापना झाली होती.
आयटीबीपीच्या जवानांनी पूर्व लडाखमध्ये चीनसोबत झालेल्या हिंसक चकमकीदरम्यान फक्त स्वतःचा बचाव केला नाही, तर चीनी सैनिकांची संख्या जास्त असूनही त्यांना सामना केला. यासोबतच त्यांनी आर्मीसोबत मिळून चकमकीत जखमी झालेल्या जवानांना सुरक्षित ठिकाणी नेले.
आतापर्यंत फक्त भारतीय आणि चीनी सैनिकांमध्ये गलवान घाटीत झालेल्या चकमकीची माहिती समोर आलेली आहे. पण यापूर्वी आयटीबीपी आणि चीनी सैनिक अनेकवेळा मारामारी आणि दगडफेक झालेली आहे. अनेक वेळा ही चकमक १७-१८ तास चालली. यादरम्यान काही वेळा चीनी सैनिक तर काही वेळा आयटीबीपीचे सैनिक जखमी झालेले आहेत.
गॅलेंट्री मेडलची घोषणा ज्या सैनिकांसाठी झाली आहे, त्यांनी 'पँगॉन्ग लेक'पासून गलवान आणि हॉट स्प्रिंगदरम्यान ईस्टर्न लडाखच्या अनेक भागात चीनी सैनिकांचा सामना केलेला आहे. तसेच, मागील दोन महिन्यात दोन्ही देशांच्या सैनिकांमध्ये कमीत-कमी सहा वेळेस दगडफेक आणि मारामारी झाली आहे. (image source : Twitter/ITBP Official)
