मृत्यूतांडव ! नाशिक महानगरपालिकेकडूनही 5 लाखांची मदत

नाशिक - शहरातील जुने नाशिक मधील महानगरपालिकेच्या डॉ. झाकीर हुसेन रुग्णालयातील ऑक्सिजन गळतीमुळे दगावलेल्या २२ रुग्णांच्या  (मृतांमध्ये ११ पुरुष आणि ११ महिलांचा समावेश) नातेवाईकांना मनपाकडूनही ५ लाखांची मदत घोषित केली आहे. याबाबत पालकमंत्री छगन भुजबळ यांनी मनपा आयुक्त कैलास जाधव यांच्या उपस्थितीत ही माहिती दिली. राज्य सरकार कडूनही प्रत्येकी 5 लाख रुपये देण्यात येणार असल्याची घोषणा आज दुपारी मुख्यमंत्री उद्धव ठाकरे यांनी केली आहे.

आज (ता. 21) डॉ. झाकीर हुसेन रुग्णालयात ऑक्सिजन गळती दुर्घटनेत २२ रुग्णांना प्राण गमवावे लागले आहेत. १५७ रुग्णांपैकी ६३ रुग्ण हे अत्यवस्थ होते. मृतांमध्ये ११ रुग्ण हे ऑक्सिजनवर तर ११ रुग्ण हे व्हेंटिलेटरवर होते, अशीही माहिती भुजबळ यांनी दिली.