येथे क्लिक करुन आम्हाला फॉलो करा
टीम MBP Live24 - सावेडी (Sawedi) उपनगराचा झपाट्याने विस्तार होत असताना प्रभाग क्रमांक एकमध्ये नव्या वसाहतींची वाढ सर्वाधिक वेगाने जाणवू लागली आहे. वाढत्या लोकवस्तीमुळे रस्ते (Road), पाणीपुरवठा, पथदिवे (Street Lights) आणि ड्रेनेज लाइन यांसारख्या मूलभूत सुविधांची उपलब्धता सुनिश्चित करणे हे महापालिकेसमोर (Municiple Corporation) मोठे आव्हान ठरत आहे.
प्रभागाचा भूगोलही विस्तृत असल्याने नगर-मनमाड (Nagar-Manmad Road) रोडपासून नागापूर (Nagapur) गावठाण, बु-हाणनगर (Burhannagar), पिंपळगाव रोड (Pimpalgaon Road) ते भिस्तबाग चौकापर्यंत (Behastbag Chawk) विविध समाजघटकांची वस्ती येथे आढळते. विशेषतः नोकरदार वर्गाची लोकसंख्या लक्षणीय आहे. गेल्या पंचवार्षिकात मुख्य डीपी रस्त्यांचे (DP Road) विकासकाम, काही आंतरिक रस्त्यांचे डांबरीकरण, मोकळ्या जागांचे सुशोभीकरण आणि पथदिव्यांची उभारणी करण्यात आली आहे.
तरीही नागापूर गावठाण, आठरे-पाटील पब्लिक स्कूल परिसर, तपोवन रोड (Tapowan Road), ढवणवस्ती (Dhavan Wasti), फणसे मळा (Fanse Mala) आणि गावडे मळा (Gavade Mala) या ठिकाणी सुविधा अद्याप अपुऱ्या असल्याचे चित्र कायम आहे. नव्याने उभ्या राहत असलेल्या वसाहतींमध्ये रस्ते, पाणी आणि ड्रेनेजची कामे पूर्ण क्षमतेने पोहोचलेली नसल्याने नागरिकांना अडचणींना सामोरे जावे लागत आहे.
विशेषतः गावडे मळा आणि फणसेनगर परिसरात सुरू असलेल्या बांधकाम प्रकल्पांमुळे लोकसंख्या (Population) वाढत असली तरी आवश्यक पायाभूत सुविधा न मिळाल्याने भविष्यातील शहर विकासाची गंभीर कसोटी प्रभाग क्रमांक एकमध्ये दिसू लागली आहे.
या प्रभागाची व्याप्ती : नागापूर गावठाण, आठरे पाटील पब्लिक स्कूल, डॉन बॉस्को सोसायटी, जय मंगलनगर, सुमन कॉलनी, भिस्तबाग महाल परिसर, गावडे मळा, यशोदानगर (Yashoda Nagar), फणसेनगर, ढवणवस्ती, दक्षतानगर, कुशाबानगर, गोकुळनगर, सिमला हडको, पंचवटीनगर, कॉटेज कॉर्नर, नंदनवनगर (Nandanvan Nagar), पवननगर (Pavan Nagar), बारस्कर वस्ती, हुंडेकरी लॉन (Hundekari Lawn), सेल्स टॅक्स कॉलनी, वाणीनगर.
या आहेत मुख्य समस्या :
- भिस्तबाग चौकाजवळील अयोध्यानगरमध्ये मोकाट जनावरे व कुत्र्यांचा त्रास.
- ओपन स्पेसमध्ये जनावरे–कुत्री घाण करतात, परिसरात दुर्गंधी.
- लहान मुलांना व ज्येष्ठांना कुत्र्यांचा धोका वाढला.
- नव्या सिमेंट रस्त्यांवर वाहनांचे पार्किंग; वाहतुकीला अडथळा.
नागरिक काय म्हणतात ?
- ज्ञानसंपदा शाळा परिसरात पथदिवे नाहीत.
- ड्रेनेजचे पाणी मोकळ्या जागेत साचते; दुर्गंधी पसरते.
- फणसेनगर, बिरोबा मंदिर परिसरात ड्रेनेज झाकणे तुटलेली.
- रस्त्यावर सांडपाणी साचते; आरोग्य व वाहतुकीचा प्रश्न.
- तक्रारीनंतरही दखल नसल्याची खंत.
नवीन गृहप्रकल्पांबाबत मागणी : सावेडी उपनगरातील नव्या प्रकल्पांना महापालिकेने मूलभूत सुविधा द्याव्यात.
ही कामे लागली आहेत मार्गी :
- सावेडी कचरा डेपोचा प्रश्न मार्गी.
- भिस्तबाग महल सुशोभीकरण सुरू.
- भूखंडांचे सुशोभीकरण.
- पाणीप्रश्न काही प्रमाणात मार्गी.
- नव्या स्मशानभूमीची निर्मिती सुरू.
नागापूर गावठाणमधील प्रलंबित प्रश्न :
- महापालिका जागांवरील अतिक्रमण.
- ड्रेनेज लाइन व पाणी समस्या.
- अंतर्गत रस्ते खराब.
- स्मशानभूमीत सुविधांची कमतरता.
आगामी काळात ही कामे करावयाची आवश्यकता :
- सर्व अंतर्गत रस्त्यांचे सुधारकाम.
- सर्व ठिकाणी पथदिवे बसवणे.
- नागरिकांसाठी मोठे उद्यान.
- नवीन वसाहतींना मूलभूत सुविधा.
- एकवीरा चौक–तपोवन रोड डीपी रस्ता पूर्ण करणे.
- नियमित साफसफाई.
- रस्त्यांच्या कडेला वृक्षारोपण.
