येथे क्लिक करुन आम्हाला फॉलो करा
अहिल्यानगर - महानगरपालिका (Ahilyanagar Municiple Corporation) सार्वत्रिक निवडणूक (Genral Election) २०२५-२६साठी तयार केलेल्या प्रारूप मतदार याद्या (Voter List) महापालिकेकडून जाहीर करण्यात आल्या आहेत. या याद्यांवर हरकती नोंदवण्यासाठी २७ नोव्हेंबरपर्यंत मुदत देण्यात आली आहे.
निवडणुकीसाठी १ जुलै २०२५ रोजी अस्तित्वात असलेल्या विधानसभेच्या (Lower Asssembly) मतदार याद्यांचे प्रभागनिहाय वर्गीकरण (Sorting) करून प्रभाग क्रमांक १ ते १७ या स्वरूपात याद्या छापण्यात आल्या आहेत.
नागरिकांना या याद्या पाहणे सोपे जावे यासाठी महापालिकेच्या संकेतस्थळावर फोटो विरहित मतदार याद्या निःशुल्क उपलब्ध करून देण्यात आल्या आहेत. संकेतस्थळ : www.amc.gov.in
मतदारांनी (Voter) आपले नाव (Name), पत्ता (Adress) इत्यादी तपशील (Details) तपासून आवश्यक असल्यास दिलेल्या मुदतीत हरकत किंवा दुरुस्ती अर्ज सादर करण्याचे आवाहन प्रशासनाने केले आहे.
खालील बाबींवर मतदार याद्यांवरील हरकती घेता येऊ शकतात :
- मतदार यादीतील लेखनिकांच्या चुका
- चुकीने दुसऱ्या प्रभागातील मतदारांचा समावेश झाल्यास
- संबंधित व्यक्तीचे नाव विधानसभा मतदार यादीत असताना महानगरपालिका प्रभागाच्या यादीतून नाव वगळलेले असल्यास
- वगळलेली योग्य नावे समाविष्ट करण्यासाठी
- मतदार यादीत मृत व्यक्तींची नावे आढळल्यास
- मृत व्यक्तींबाबत मिळालेल्या सूचना किंवा हरकतींच्या आधारे दुरुस्ती
- या सर्व हरकतींसाठीचा नमुना फॉर्म महापालिकेच्या संकेतस्थळावर उपलब्ध करून देण्यात आला आहे.
प्रभाग एकमध्ये सर्वाधिक मतदार आहेत. महापालिकेसाठी ३ लाख ७ हजार ९ इतके मतदारांना मतदानाचा हक्क बजावता येणार आहे. त्यामध्ये प्रभाग क्रमांक १ मध्ये सर्वाधिक २२ हजार ४९५ इतकी मतदारसंख्या असणार आहे. तर सर्वात कमी मतदार प्रभाग क्रमांक ३ मध्ये १४ हजार ८३० इतके आहेत.
- २७ नोव्हेंबरपर्यंत मतदार यादीबाबतच्या हरकती व सूचना लेखी स्वरूपात दाखल करता येणार आहेत.
- हरकती स्वीकारण्याची सुविधा महापालिकेचे मुख्य कार्यालय तसेच चारही प्रभाग कार्यालयांमध्ये उपलब्ध आहे.
- मतदार यादीतील मूळ विधानसभा मतदार यादीत नसलेली नावे वगळणे किंवा कोणत्याही प्रकारच्या दुरुस्त्या करणे या दोन्ही अधिकार राज्य निवडणूक आयोगाकडे किंवा आयोगाने प्राधिकृत केलेल्या अधिकाऱ्याकडे नाहीत, असे महापालिकेने स्पष्ट केले आहे.
प्रभागनिहाय मतदार :
- प्रभाग १ - २२,४९५
- प्रभाग २ - २१,०९८
- प्रभाग ३ - १४,८३०
- प्रभाग ४ - १९,२५१
- प्रभाग ५ - १६,३८०
- प्रभाग ६ - १५,८४०
- प्रभाग ७ - १६,५१६
- प्रभाग ८ - १८,०२०
- प्रभाग ९ - १८,२५४
- प्रभाग १० - २१,५६६
- प्रभाग ११ - २०,१६१
- प्रभाग १२ - १९,८०९
- प्रभाग १३ - १५,८४५
- प्रभाग १४ - १६,६५४
- प्रभाग १५ - १५,२४९
- प्रभाग १६ - १९,६०६
- प्रभाग १७ - १५,४३५
- एकूण मतदार - ३,०७,००
