येथे क्लिक करुन आम्हाला फॉलो करा
अहिल्यानगर - जिल्ह्यातील १२ नगरपालिकांच्या निवडणुकीच्या (Corporation Elections) २८९ सदस्यांसाठी १,२७४ तर नगराध्यक्षपदासाठी १०२ उमेदवार (Candidate) निवडणुकीच्या रिंगणात उतरले आहेत.
देवळाली (Deolali), कोपरगाव (Kopargaon), राहुरी (Rahuri), श्रीगोंदा (Shrigonda), शेवगाव (Shevgaon), संगमनेर (Sangamner), नेवासा (Newasa) व पाथर्डी (Pathardi) पालिका निवडणुकीतील आक्षेपाबाबत उमेदवारांनी जिल्हा न्यायालयात (District Court) अपील केले आहे. त्यामुळे संबंधित प्रभागातील व नगराध्यक्ष उमेदवारांना २५ तारखेपर्यंत उमेदवारी अर्ज मागे घेण्याची संधी आहे.
दि. २६ नोव्हेंबर रोजी चिन्ह (Signs) वाटप झाल्यानंतर पाच दिवसांत निवडणूक चिन्ह मतदारांपर्यंत (Voters) पोहच करण्याचे उमेदवारांसमोर आव्हान असणार आहे. जिल्ह्यातील नगरपालिका निवडणुकीबाबत न्यायालयात अपील दाखल न केलेल्या उमेदवारांना अर्ज मागे घेण्याची मुदत शुक्रवारी संपली आहे.
अर्जांच्या छाननीत (Scrutiny) पात्र ठरलेल्या नगराध्यक्षपदाच्या १४६ पैकी ४४ जणांनी माघार घेतली आहे, तर सदस्यांसाठी १,६०३ पैकी ३२९ इच्छुकांनी माघार घेतली आहे. आतापर्यंत दाखल झालेल्या अपिलांवर २५ नोव्हेंबरपर्यंत सुनावणी घेऊन निवडणूक लढविणाऱ्या उमेदवारांची अंतिम यादी (Final List) प्रसिद्ध केली जाणार आहे.
यानंतर २६ नोव्हेंबर रोजी निवडणूक अधिकारी (Election Officer) चिन्ह वाटप करणार आहेत. शेवटच्या दिवशी नगराध्यक्षपदाच्या ४० तर सदस्यपदाच्या ३०७ इच्छुकांनी माघार घेतली आहे. दि. २ डिसेंबर रोजी देवळाली प्रवरा (Deolali Pravara) नगरपालिकेच्या २१ जागांसाठी २३ हजार ८६१ मतदारांना आपला हक्क बजावता येणार आहे.
जामखेड नगरपालिकेच्या २४ जागांसाठी ३३ हजार १६१ मतदार, कोपरगाव पालिकेच्या ३० जागांसाठी ६३ हजार ४५३ मतदार, नेवासा नगरपंचायतीच्या १७ जागांसाठी १८ हजार ७१२ मतदार, पाथर्डी नगरपालिकेच्या २० जागांसाठी २३ हजार २४२ मतदार तर राहाता पालिकेच्या २० सदस्यांसाठी १९ हजार ४६५ मतदारांना मतदान करता येणार आहे.
राहुरी पालिकेच्या २४ जागांसाठी ३३ हजार २६९ मतदारांना मतदानाची संधी आहे. संगमनेर पालिकेसाठी ३० जागांसाठी ५७ हजार ७१४ मतदार, शेवगाव पालिकेला २४ जागांसाठी ३५ हजार ४७९ मतदार, शिर्डी पालिकेच्या २३ जागांसाठी ३३ हजार ६१३ मतदार, श्रीगोंदा पालिकेच्या २२ जागांसाठी २८ हजार ३२६ तर श्रीरामपूर पालिकेच्या ३४ जागांसाठी सर्वाधिक ८० हजार ९९२ मतदार आहेत.
पालिकानिहाय उमेदवार व सदस्यांचे अर्ज :
- संगमनेर - १० - १२३
- श्रीरामपूर - १३ - २०८
- कोपरगाव - १२ - १३६
- शिर्डी - ८ - ७५
- राहाता - ८ - ७८
- देवळाली - ६ - ७१
- राहुरी - ७ - ९०
- पाथर्डी - ५ - ६२
- श्रीगोंदा - ५ - १०३
- जामखेड - १२ - ११८
- शेवगाव - ६ - १३१
- नेवासा - १० - ७९
