येथे क्लिक करुन आम्हाला फॉलो करा
टीम MBP Live24 - सावेडी (Sawedi) उपनगराप्रमाणेच कल्याण रोड (Kalyan Road) परिसराचा वेगाने होणारा विस्तार आणि वाढती लोकसंख्या (Population) लक्षात घेता मूलभूत सुविधांचा प्रश्न अधिकच गंभीर बनत चालला आहे. गेल्या पाच वर्षांत रस्ते, ड्रेनेजलाइन, पथदिवे आणि मोकळ्या जागांचे सुशोभीकरण अशी काही कामे झाली असली तरी विकासाची गंगा (Development) संपूर्ण प्रभागात पोहोचलेली नाही.
शिवाजीनगर (Shivajinagar) परिसरातील उंच जलटाकी (Water Tank) असूनही पाणीटंचाईची समस्या कायम आहे. पूर्ण क्षमतेने पाणीपुरवठा न झाल्याने नागरिकांना त्रास सहन करावा लागत आहे. दरम्यान, कल्याण रोडवरील पुलाचे (Breedge) काम कासवगतीने सुरू असल्याने पावसाळ्यात पुलावरून पाणी वाहू लागले की परिसराचा शहराशी संपर्क तुटतो.
नवीन प्रभाग रचनेनुसार जुना प्रभाग क्रमांक ८ हा आता ९ झाला असून सुमारे ८० टक्के भाग पूर्वीचाच आहे. तरीही जाधव मळा (Jadhav Mala), प्रशांत सोसायटी (Prashant Society), वारुळाचा मारोती परिसर (Warulacha Maruti), भावनाऋषी सोसायटी (Bhavanarushi Society), साईराम सोसायटी (Sairam Society), अनुसूयानगर (Anusayanagar) या भागांमध्ये रस्त्यांची दुरवस्था, ड्रेनेज समस्या आणि बंद पथदिवे यामुळे नागरिक त्रस्त आहेत.
सार्वजनिक शौचालयांचीही परिस्थिती बिकट असून अनेक ठिकाणी माजी नगरसेवक कधी आलेच नसल्याची नागरिकांची तक्रार आहे. वाढत्या वसाहतींमुळे भविष्यात मूलभूत सुविधांची उपलब्धता हे प्रशासनासमोर मोठे आव्हान ठरणार आहे.
अशी आहे या प्रभागाची व्याप्ती : सुडकेमळा, योगदान आयुर्वेद हॉस्पिटल, लेंडकरमळा, पाठक मळा, पोलिस निवास स्थान, खाकिदास मठ, वारुळाचा मारोती परिसर, नीलक्रांती चौक परिसर, श्रीकृष्णनगर, उद्धव अकॅडमी, रंगभवन, बागरोजा, ठाणगेमळा.
सीना नदीवरील पूल – नागरिकांची प्रमुख मागणी
- पावसाळ्यात सीना नदीला पूर आल्यास जुना पूल पाण्याखाली जातो
- आणि कल्याण रोड परिसराचा शहराशी संपर्क तुटतो.
- नवीन पुलाचे काम तातडीने पूर्ण करावे, अशी रहिवाशांची मागणी.
अवैध दारू, मटका अड्ड्यांचा बंदोबस्त आवश्यक
- कल्याण रोड परिसरातील अंतर्गत भागात दारू व मटका अड्डे खुलेआम सुरू.
- तरुण व्यसनाधीन होत असून प्रशासनाने कठोर कारवाई करावी, अशी मागणी.
पाणीसाठी तीन टाक्यांची आवश्यकता
- पाणीटंचाई कायम; नव्याने उभारलेली टाकीही अपुरी.
- रहिवाशांचे म्हणणे – या भागासाठी किमान तीन जलटाक्या आवश्यक.
नागरिकांकडून नोंदवलेल्या प्रमुख समस्या :
- रस्त्यावर मोठ्या प्रमाणात कचरा टाकला जातो; दुर्गंधी.
- पथदिवे बंद असल्याने अंधार कायम.
- बहुतांश पथदिवे बंद.
- ड्रेनेज लाईनची समस्या.
- विविध कंपन्यांच्या केबल्स लोंबकळलेल्या अवस्थेत; अपघाताचा धोका.
- रस्ते उखडलेले.
- पूर्ण दाबाने पाणीपुरवठा नाही.
- सार्वजनिक शौचालयांची दुरवस्था; २५ पैकी फक्त २ वापरण्यास योग्य.
- प्रशासनाकडून मूलभूत सुविधांची आवश्यकता.
- नेज लाईनची गंभीर समस्या.
- सिमेंट रस्ते अर्धवट अवस्थेत.
- पथदिवे अपुरे.
- पूर्ण दाबाने पाणी मिळत नाही.
