अहिल्यानगर – आगामी महानगरपालिका सार्वत्रिक निवडणूक २०२६ च्या पार्श्वभूमीवर प्रभाग क्रमांक 8 प्रवर्ग 'क' मधून राष्ट्रवादी काँग्रेस (अ.प.) (NCP) पक्षाचे उमेदवार कुमारसिंह वाकळे (Kumarsinh Wakale) हे शिवसेना उमेदवाराचा A-B फॉर्म बाद झाल्याने बिनविरोध निवडून आले आहेत.
विरोधी उमेदवाराचा अर्ज नियमबाह्य ठरल्याने मतदारांना मतदानाचा दिवस येण्यापूर्वीच या प्रभागामध्ये निकाल स्पष्ट झाला आहे. यामुळे कुमारसिंह वाकळे यांच्या समर्थकांनी जल्लोष सुरू केला आहे.
निवडणूक यंत्रणेमार्फत मिळालेल्या माहितीनुसार, शिवसेनेच्या उमेदवाराकडून सादर करण्यात आलेल्या A व B फॉर्ममध्ये त्रुटी असल्याचे आढळले. संबंधित कागदपत्रांची छाननी करताना ती प्रक्रिया असंगत आढळल्याने अर्ज बाद करण्यात आला.
परिणामी राष्ट्रवादी (अजित पवार) उमेदवार कुमारसिंह वाकळे यांना एकमेव वैध उमेदवार म्हणून उमेदवारी मान्यता मिळाली असून, ते अधिकृतपणे बिनविरोध विजयी जाहीर करण्यात आले आहेत.
अहिल्यानगर शहरातील प्रभाग १४ मधील राष्ट्रवादी अजित पवार पक्षाचे उमेदवार प्रकाश भागानगरे (Prakash Bhaganagare) हेदेखील बिनविरोध विजयी झाले आहेत. त्यामुळे निवडणूक होण्या आधीच राष्ट्रवादीने २ जागांवर आघाडी (Lead) मिळवली आहे.
या अनपेक्षित घडामोडीमुळे स्थानिक राजकारणात चर्चा रंगली असून नागरिकांकडून मिसळलेल्या प्रतिक्रिया उमटत आहेत. आता वाकळे यांच्या विकास नियोजन व कामकाजाकडे संपूर्ण शहराचे लक्ष लागले आहे.
