अहिल्यानगर - श्रीराम नवमीनिमित्त (Shriram Navami) श्रीराम जन्मोत्सव समिती व सकल हिंदू समाज (Sakal Hindu Samaj), भिंगार यांच्या वतीने यावर्षी एक अत्यंत 'सुंदर' आणि आदर्श उपक्रम राबवण्यात आला. पोलीस प्रशासनाच्या 'डीजे मुक्त मिरवणूक' (No DJ System) आवाहनाला सकारात्मक प्रतिसाद देत, मंडळाने यंदा पारंपरिक पद्धतीने उत्सवाचे आयोजन केले होते.
या मिरवणुकीत कानठळ्या बसवणाऱ्या डीजेऐवजी महिला भजनी मंडळांचे टाळ-मृदंगाचे स्वर आणि शिवकालीन (Era of Shivaji Maharaj) मर्दानी खेळांची चित्तथरारक प्रात्यक्षिके पाहायला मिळाली. ढोल-ताशांच्या गजरात आणि शिस्तबद्ध वातावरणात निघालेल्या या मिरवणुकीने भिंगारकरांची मने जिंकली.
या सामाजिक जाणीवेचे आणि सहकार्याचे कौतुक करण्यासाठी कॅम्प पोलीस स्टेशनचे (Bhingar Camp Police Station) सहाय्यक पोलीस निरीक्षक जगदीश मुलगीर (API Jagdish Mulgir) यांनी पुढाकार घेतला. त्यांनी मंडळाच्या पदाधिकाऱ्यांचा पुष्पगुच्छ देऊन विशेष सत्कार केला.
आधुनिक गोंगाटापेक्षा परंपरेचा हा 'सुंदर' सोहळा अधिक प्रभावी ठरल्याची भावना नागरिकांनी व्यक्त केली. भिंगारच्या या उपक्रमाचे सर्वत्र स्वागत होत आहे. इतर मंडळांसाठी देखील हा एक नवा पायंडा ठरला आहे.
