अहिल्यानगर (Ahilyanagar) : स्थानिक गुन्हे शाखेच्या (Local Crime Branch) पथकाने कर्जत तालुक्यातील सिद्धटेक येथील एका जुगार अड्ड्यावर यशस्वी छापा टाकला आहे. या धडक कारवाईत १३ आरोपींवर गुन्हा दाखल करण्यात आला आहे.. तसेच ४ लाख २७ हजार ९० रुपयांचा मुद्देमाल जप्त करण्यात आला आहे.
अशी झाली कारवाई: स्थानिक गुन्हे शाखेचे पोलीस निरीक्षक संतोष मुटकुळे यांनी पोलीस पथकाला अवैध धंद्यांवर कारवाईबाबत मार्गदर्शन केले होते. यादरम्यान, दिनांक ९ नोव्हेंबर रोजी कर्जत पोलीस स्टेशन (Karjat Police Station) हद्दीत गस्त घालत होते.
हॉटेल तुळजाभवानी, वडारवस्ती, सिद्धटेक येथे काही इसम पैसे लावून 'तिरट' नावाचा जुगार खेळत असल्याची गोपनिय माहिती पथकाला मिळाली. त्यानुसार पथकाने पंचासमक्ष सदर ठिकाणी छापा टाकून जुगार खेळणाऱ्या इसमांना ताब्यात घेतले.
ताब्यात घेतलेले आरोपी :
- राहुल ननवरे (जलालपूर)
- बाळासाहेब काटकर (शिरापूर)
- सागर खुडे (शिरापूर)
- आश्पाक इनामदार (देऊळगाव राजा)
- दिगंबर वाघमोडे (दौंड)
- अनिल तांदळे (जलालपूर)
- सोमनाथ ननवरे (जलालपूर)
- महादेव गोधडे (पेडगाव)
- राजू लष्करे (सिद्धटेक)
- सोमनाथ खोमणे (सिद्धटेक)
- बाबुराव विठेकर (सिद्धटेक)
- दत्ता तांदळे (सिद्धटेक)
- बालाजी चौघुले (सिद्धटेक) - फरार (क्लब मालक)
आरोपींकडून जुगारासाठी लागणारे साहित्य व रोख रक्कम असा एकूण ४,२७,०९० रुपयांचा मुद्देमाल जप्त केला आहे. या प्रकरणी कर्जत पोलीस स्टेशनमध्ये महाराष्ट्र जुगार कायदा (Maharashtra Gambling Act) कलम १२ (अ) प्रमाणे गुन्हा दाखल करण्यात आला आहे.
पुढील तपास कर्जत पोलीस करत आहेत. ही कारवाई पोलीस अधीक्षक मुम्मका सुदर्शन, अप्पर पोलीस अधीक्षक, व उपविभागीय पोलीस अधिकारी यांच्या मार्गदर्शनाखाली स्थानिक गुन्हे शाखेच्या पथकातील पोलीस अंमलदारांनी पार पाडली.
